Duplex 194m² me #QIRA në Lakrishtë

Banesa Duplex me sipërfaqe 194m² ndodhet në Lakrishtë, në kompleksin Prime Residence.

Duplexi është dizajnuar plotësisht me arkitekt, i mobiluar në stil modern dhe me orendi të cilësisë së lartë. Çdo detaj është punuar me përkushtim, ndërsa drita natyrale e bollshme krijon një ambient të ngrohtë dhe mikpritës.

Kati i parë përbëhet nga një qëndrim ditor, kuzhinë moderne me tryezari, një banjo, një ballkon, ndërsa kati i dytë përfshin tri dhoma gjumi (njëra Master Bedroom) dhe dy banjo. Sistemin e ngrohjes e ka me pompë termike.

Kompleksi është i ndërtuar me standarde të larta, duke ofruar cilësi dhe komoditet maksimal. E pajisur me të gjitha shërbimet esenciale, përfshin tre ashensor modern dhe ofron garazhë.

Ndodhet në lagjen Pejton, një zonë shumë të kërkuar në Prishtinë, e njohur për infrastrukturën e rregulluar dhe afërsinë me qendër. Duplexi është afër Courtyard by Marriott, duke e bërë lokacionin jashtëzakonisht të përshtatshëm dhe prestigjioz, si dhe pranë të gjitha shërbimeve kryesore si supermarkete, farmaci, banka dhe institucione arsimore. Pozita ofron qasje të menjëhershme në çdo pjesë të qytetit, duke kombinuar komoditetin urban me një ambient të rregulluar e ideal për banim.