Përmbledhje
- Data ndryshimit:
- 14 Korrik, 2025
- ID e pronës
- 36718
Përshkrimi
Nova Park është një projekt i ri dhe ambicioz që po zhvillohet në një zonë komerciale të komunës së Obiliqit, vetëm 7 kilometra nga Prishtina. I konceptuar si një park industrial bashkëkohor, Nova Park ofron kushte të rregulluara për ndërtim dhe operim, duke e bërë këtë zonë një zgjedhje ideale për biznese prodhuese, logjistike dhe tregtare që kërkojnë stabilitet, infrastrukturë moderne dhe vendndodhje strategjike.
Parcelat janë prej 38 ari dhe 52 ari, të cilat janë të pajisura me të gjithë infrastrukturën e nevojshme, përfshirë rrugët e asfaltuara, energjinë elektrike, rrjetin e ujësjellësit dhe kanalizimit. Çdo parcelë ofron kushte të përcaktuara ndërtimi që lejojnë shfrytëzimin deri në 50% të sipërfaqes me lartësi ndërtimi deri në 12 metra, duke ofruar hapësirë të mjaftueshme për zhvillimin e objekteve moderne afariste apo industriale.
Zona është e rrethuar dhe e pajisur me sistem sigurie në hyrje-dalje, ndërsa mirëmbajtja e hapësirave të përbashkëta është e organizuar në mënyrë që të ofrojë funksionalitet dhe standard të lartë operimi për të gjitha bizneset pjesëmarrëse. Pozicioni i Nova Park ofron lidhje të shkëlqyer me infrastrukturën rrugore ku përveç afërsisë me Prishtinën, ndodhet 17 kilometra nga Aeroporti Ndërkombëtar i Prishtinës dhe 8 kilometra nga stacioni hekurudhor në Fushë Kosovë, duke e bërë transportin dhe qasjen logjistike tepër të lehtë.
Për investitorët që kërkojnë fleksibilitet financiar, ka mundësi të financimit përmes marrëveshjes me NLB Banka, me kushte të lehtësuara dhe një proces aplikimi të shpejtë. Me normë preferenciale interesi, afat kthimi deri në 10 vite dhe hipotekë vetëm për parcelën e financuar, investimi juaj bëhet më i thjeshtë dhe më i sigurt.
